United States or Saudi Arabia ? Vote for the TOP Country of the Week !
Et pour bien lever ledict escusson aprés qu'il sera incisé tout autour sans avoir couppé le boys au dedans fault prendre icelluy escusson avecques le poulce & l'aultre doy prochain/ et l'arracher comme par force sans le corrompre nullement & en l'arrachant pressez contre le boys dont vous l'arracherez du gecton/ affin que le germe dudict oeillet demeure en l'escusson car s'il demouroit avecques le boys du gecton: vostre escusson ne vauldroit rien.
Le troisiesme jour de May, jour & feste saincte Croix, pour la solempnité de la feste: le cappitaine feist planter une belle croix de la haulteur d'environ trente cinq piedz, soubz le croisillon de laquelle y avoit ung escusson en bosse des armes de France: & sur icelluy estoit escript en lettre attique Franciscus primus Dei gratia Francorum rex regnat. Et celluy jour environ mydi vindrent plusieurs gens de Stadacone, tant hommes, femmes, que enfans, qui nous dirent que leur seigneur Donnacona, Taignoagny, Dom Agaya et aultres qui estoient en sa compaignie venoient, dequoy feusmes joyeulx, esperant nous en [Page 42] saisir: lesquelz vindrent environ deux heures apres mydi. Et lors qu'ilz furent arrivez devant noz navires, nostre cappitaine alla saluer ledict seigneur Donnacona, le quel pareillement luy feist grande chere, mais avoit tousjours l'oeil au boys, et une craincte merveilleuse. Tost apres arriva Taignoagny, lequel deist audict seigneur Donnacona, qu'il n'entrast point dedans le fort. Lors fut par l'ung de leurs gens, apporté du feu hors du fort, & allumé par ledict seigneur. Nostre cappitaine le pria de venir boyre & manger dedans les navires, comme avoit de coustume. Et semblablement en prya ledict Taignoagny, lequel dist que tantost il entreroit: Ce qu'ilz feirent & entrerent dedans ledict fort: Mais au paravant avoit esté notre cappitaine adverty par Dom Agaya, que ledict Taignoagny avoit mal parlé & qu'il avoit dict au seigneur Donnacona qu'il n'entrast point dedans les navires. Notre dict cappitaine voyant ce, sortist hors du parc ou il estoit, & veit que les femmes s'en fuyoient par l'advertissement dudict Taignoagny: & qu'il ne demouroit que les hommes: les quelz estoient en grand nombre. Et lors commanda ledict cappitaine
Supposé qu'ilz soient plusieurs manieres/ d'enter/ j'en mettray seullement des quatres manieres/ desquelles sont bonnes/ & seures/ bien approvees/ & facilles/ & desquelles on peult bien vser & excercer les deulx pars de l'an & plus/ car j'en ay enté en nostre monastere en tous moys/ exceptez Octobre/ & Novembre/ & y sont bien prinses en commençant de greffes a l'yver & en esté: en escusson/ selon que le temps s'avance/ ou retarde/ car aulcunes arbres/ principallement jeunes cyons nouveaulx/ sont encores autant ou plus en seul ou seve/ a la my Aoust/ que les aultres estoyent a la sainct Jehan.
Le XXIIIIe jour dudict moys nous fismes faire vne croix de trente piedz de hault, qui fut fete deuant pluseurs d'eulx, sur la poincte de l'entrée dudit hable, soubz le croysillon de laquelle mismes vng escusson en bosse
Et cela faict prenez vostre escusson par son bon bout de queue que luy avez laissee et le mettez dedans l'incision de l'arbre en levant tout bellement les deulx costez de l'escorse de ladicte incision avecques ladicte peleure de os: & faictes bien joindre parfaictement ledict escusson avecques le boys dedans l'incision de l'arbre en pesant ung peu dessus avecques le bout de la peleure/ & que le hault d'icelluy escusson touche bien du bout a l'escorse du hault de l'incision de l'arbre.
Et puis aprés ung moys ou six sepmaines passees le fault deslier ou au moins en coupper le chanvre par derriere de l'arbre & les laisser ainsi desliees jusques aprés l'yver/ & puis environ le moys de Mars & d'apvril/ si vous voyez que le germe de vostre escusson bourjonne/ coupez l'arbre au dessus de l'escusson trois doys ou environ.
Et pour facillement congnoistre s'il est bon/ regardez au dedans dudict escusson quant il sera arraché d'avecques le boys dudict gecton: & si vous voyez qu'il soit pertuysé au dedans/ c'est signe qu'il ne vault rien & que le germe en demeure avecques le boys dudict gecton qui debvoit demeurer en l'escusson/ & pource en fault faire ung aultre qui soit bon comme dict est.
Et est a noter que combien que le tronc & la greffe soyent de diverses especes/ ce neantmoins la greffe ne escusson ne participera point du tronc & du saulvaigeau comme estre poire pomme ne poire coing. &c. Qui est contre plusieurs qui ont escript que se vous entez ung meslier en ung coignier/ que les neffles sont sans noyaulx: mais c'est une abusion/ car j'en ay esprouvé le contraire.
Et cela faict fault avoir du chanvre pour lier ledict escusson dedans l'incision de l'arbre & la maniere de lyer est telle.
Ayez du chanvre aussi gros comme ung tuau de plume ou environ selon que l'arbre est grosse ou menue/ & prenez icelluy chanvre par le meillieu/ affin que l'ung bout puisse autant fournir comme l'aultre pour entortiller & lyer ledict escusson dedans l'incision de l'arbre & ne le fault lyer trop estroict car cela le garderoit de prendre/ & ne se pourroit bien conjoindre la seve de l'ung et de l'aultre ensemble: & ne fault point mouiller ledict escusson ne pareillement ledict chanvre de quoy on le veult lyer.
Mot du Jour
D'autres à la Recherche