Vietnam or Thailand ? Vote for the TOP Country of the Week !
Mis à jour: 20 mai 2025
Les meilliers on les ente en aultres melliers & coingniers & aubepin/ & y proffitent bien j'en enté quelque foys ung en ung saulvaigeau de perier & y print/ assez bien porta fruict: mais n'y dura gueres longuement: je croy bien que ce fut a cause que la greffe du meslier n'estoit pas suffisante pour tirer assez la seve du perier.
Les gros abricotz on les ente a la teste a escusson en la seve en aultres abricotz menus & en peschiers & en perfiguiers & principallement en pruniers & y proffitent le mieulx. Les cormiers aulcuns ont dict & escript qu'on les pouvoit enter en aultres cormiers en pommiers: poyriers & coingniers. Mais je croy cela estre bien fort difficille: car je l'ay essayé & ne l'ay sceu faire.
Principallement les pommiers entez & non entez est bien requis les esbrancher avant que les replanter/ car ilz proffitent beaucoup mieulx.
Et fault bien fouller la terre principallement dessus & environ les racines plus si elle y est seiche que si elle y estoit mouillee/ car il ne fault point planter arbre quant il pleut ou que la terre est fort mouillee. Les arbres qu'on plante es vallees y proffitent communement bien. Et quant il pleut/ elles en sont mieulx arrousees des esgoutz d'amont.
Mot du Jour
D'autres à la Recherche