United States or Senegal ? Vote for the TOP Country of the Week !
Et si iceulx membres sont ja gros & fort branchus: quant on les arrache: il les fauldroit esbrancher avant que les replanter. Et adonc avant les arbres d'iceulx proings en seront grans/ getteront cyons de leurs racines: qui seront francs: lesquelz en transportera. Et en seront les arbres toutes franches: hault & bas: branches & racines tellement qu'il ne sera plus besoing d'enter d'icelles sortes.
Principallement les pommiers entez & non entez est bien requis les esbrancher avant que les replanter/ car ilz proffitent beaucoup mieulx.
Et pourtant mieulx vault prendre des petis cyons/ bien chevoluez/ qui sortent des racines des grans cerisiers/ & les planter car plus tost seront venus que de noyaulx/ mais que ce soit tandis qu'ilz seront encores jeunes & petis/ comme de deulx ou troys ans/ car quant ilz sont gros: ilz ne prouffitent pas si bien/ aulmoins il les fauldroit bien esbrancher/ avant que les planter.
Tous saulvageaulx qu'on pense enter il les fault aussi esbrancher avant que les replanter s'il est possible advisez bien aussi a replanter voz arbrez en aussi bonne terre ou meilleure comme celle dont les avez arrachez/ & selon que la nature de chascun le requiert.
Pour affier des noysilliers c'est assavoir les couldres franches: prenez des petis getons qui sortent des racines: des bonnes couldres franches bien chevolues: & les planter: & le fruict en sera semblable a celluy des couldres dont ilz sont yssus: & ne fault ja les esbrancher quant on les replante s'elles n'estoyent fort grandes.
Pour affier icelles arbres en fault coupper des cyons es arbres/ entre la Toussainct/ & Noel ou peu aprés/ qui soyent beaulz & gros: comme bostons/ ou plus qui les pourra trouver droictz & plains d'humeur & de jeune boys comme de troys ou quatre ans ou environ/ & les fault aguyser/ comme ung peu/ demy pied de loing/ sans en oster l'escorse d'ung des costez/ & les esbrancher & les picquer d'ung pied avant en terre.
Aultre chose est des grosses & vieilles arbres que voulez totallement estroiser/ pour les renouveller comme sont noyers/ meuriers pruniers/ cerisiers/ & aultres/ il les fauldroit esbrancher/ & tout aprés la Toussainctz que les fueilles en sont cheuttes & avant qu'elles ayent recommencé a entrer en seve.
Quant vous vouldrez replanter voz arbres il les fault premierement esbrancher/ & principallement s'elles sont grosses & branchues en telle maniere qu'on leur laisse des ciquotz avecques les troncs longs comme les doibs aulcuneffoys plus ou moins/ selon que l'arbre le requiert.
Mot du Jour
D'autres à la Recherche