Vietnam or Thailand ? Vote for the TOP Country of the Week !
Mis à jour: 29 juin 2025
Haa, Doulx penser, jamais je ne pourroye Vous desservir les biens que me donnez, Car, quant Ennuy mon povre cueur gerroye, Par fortune, comme bien le savez, Toutes les foiz qu'amener me voulez Ung souvenir de ma belle maistresse; Tantost Doleur, Desplaisir et Tristesse S'en vont fuiant; ilz n'osent demourer, Ne se trouver en vostre compaignie; Mais se meurent de courrous et d'envie, Quant il vous plaist d'ainsi me conforter.
Tiengne soy d'amer qui pourra, Plus ne m'en pourroye tenir, Amoureux me fault devenir, Je ne scay qu'il m'en avendra; Combien que j'ay oy, pieca, Qu'en amours fault mains maulx souffrir. Tiengne soy, etc. Plus ne, etc. Mon cueur devant yer accointa Beaulté qui tant le scet chierir, Que d'elle ne veult departir; C'est fait, il est sien et sera. Tiengne soy d'amer, etc.
Je ne vous ose demander Que vostre cueur vous me donnez, Mais, se droit me voulez garder Puisque le cueur de moy avez, Le vostre fault que me laissiez; Car sans cueur vivre ne pourroye; Faictes en, comme vous vouldrez, Ma seule souveraine joye.
De vostre beaulté regarder, Ma tres belle, gente maistresse, Ce m'est certes tant de lyesse Que ne le sauriez penser. Je ne m'en pourroye lasser. Car j'oublie toute tristesse. De vostre, etc. Ma tres belle, etc. Mais, pour mesdisans destourber De parler sus vostre jeunesse, Il fault que souvent m'en delaisse, Combien que ne m'en puis garder. De vostre, etc.
Combien que Dangier le rebelle Me fait loing d'elle demourer; Je congnois tant de biens en elle, Que je ne pourroye penser Que tousjours ne vueille garder Ce que me promist sans nul sy, Faisant nos deux mains assembler, Quant me donna le don d'amy.
Tant sont les yeulx de mon cueur endormiz En nonchaloir, qu'ouvrir ne les pourroye; Pour ce, parler de beaulté n'oseroye Pour le present, comme j'ay fait jadiz; Joye et soulaz ne sont plus mes amis, Chose ne voy de quoy je me resjoye, Tant sont, etc. En nonchaloir, etc.
Que je sceusse prendre plaisir En riens qui soit, fors desplaisir, Las! je ne pourroye loing d'elle; Car c'est celle que mon desir M'a fait, pour maistresse choisir, Comme s'il n'en feust point de telle, Tout mon bien et mal vient de celle; Ainsi, comme il plaist
Si diz a dieu amours & celle A qui mon service donnay Qui vouldra que je la decelle Des belles du monde est la belle Tant de vertuz ailleurs veu n'ay Elle valoit & je l'aymay Dieu scet a quelle fin tendoye Le celler point ne le pourroye
Quant mille fois j'escouteroye La fin a quoy tu veulx pretendre Si ne me ferois tu pas rendre A ton plaisir mais chose vraye Aler et parler ne pourroye A toy ne a aultre deffendre Car chascun viateur peut prendre Ainsi que bon luy semble voye Convenit est et honor ut det responsa patenti. Et quoscunque videt queque puella nocet
Escondire ne vous pourroye, Car servy m'avez loyaument, N'oncques ne vous trouvay en voye, N'en voulenté aucunement De rompre le loyal serement Que me feistes, comme savez; Ainsi le compte largement La requeste que faicte avez.
Mot du Jour
D'autres à la Recherche