Vietnam or Thailand ? Vote for the TOP Country of the Week !
Mis à jour: 2 juin 2025
Mes yeulx trop sont bien reclamez, Quant ma Dame si les appelle, Leur monstrant sa grant beaulté belle, Ilz reviennent comme affamez; Maugré mesdisans peu amez, Et Dangier qui tient leur querelle. Mes yeulx, etc. Quant ma, etc. Estre devroient diffamez, S'ilz ne voloyent, de bonne elle, Vers les grans biens qui sont en elle; De ce ne seront ja blasmez. Mes yeulx, etc.
Puis nous faillu esloingner L'un de l'autre, guermenter, Car dangier, Plusieurs autres mesdisans Nous firent tant endurer, Et plourer, Tourmenter, Oncques puis n'eusmes bon temps Et puis entre autre gent Failloit, en nous esloingnant, A plusieurs autres parler, Avoir autre pensement, Muer la couleur souvent, Sans l'un l'autre regarder.
Il n'est ma seur mye besoing Que toutes celles qui bien aiment Soyent gettees pres ne loing S'aucuns pour dames les reclament Trop y en auroit qui se clament Bonnes et vaillans preudefemmes Gens mesdisans sont trop infames Honte
Ainsi d'Amours, devant tous les amans, Prendray congié en honneste maniere, En estouppant la bouche aux mesdisans Qui ont langue pour mesdire legiere; Et requerray, par tres humble priere, Qu'il me quicte de tous les convenans Que je lui fis, quant l'ung de ses servans Devins pieca de voulenté entiere.
En oultre plus promectra tiercement Que voz conseulx tendra secretement, Et gardera de mal parler sa bouche. Noble Prince, ce point cy fort vous touche, Car mains amans, par leurs nices parolles, Par sotz regars et contenances folles, Ont fait parler souvent les mesdisans, Par quoy grevez ont esté voz servans, Et ont receu souventeffoiz grant perte Contre raison, et sans nulle desserte.
De vostre beaulté regarder, Ma tres belle, gente maistresse, Ce m'est certes tant de lyesse Que ne le sauriez penser. Je ne m'en pourroye lasser. Car j'oublie toute tristesse. De vostre, etc. Ma tres belle, etc. Mais, pour mesdisans destourber De parler sus vostre jeunesse, Il fault que souvent m'en delaisse, Combien que ne m'en puis garder. De vostre, etc.
Mot du Jour
D'autres à la Recherche