Vietnam or Thailand ? Vote for the TOP Country of the Week !
Mis à jour: 1 mai 2025
Quant mille fois j'escouteroye La fin a quoy tu veulx pretendre Si ne me ferois tu pas rendre A ton plaisir mais chose vraye Aler et parler ne pourroye A toy ne a aultre deffendre Car chascun viateur peut prendre Ainsi que bon luy semble voye Convenit est et honor ut det responsa patenti. Et quoscunque videt queque puella nocet
De rechief aulcune science Ou pensee d'homme ne congnoist Des fortunes la differance Ne laquelle la meilleure est A dieu seul a qui apparest Toute chose est de congnoistre Toutes choses et s'il luy plaist En qualités contraires mettre Desperare nocet/ votum labor improbus implet Ars que vigil magnas sepe ministrat opes.
Maintenant n'y a point de foy Entre frere et frere on le voit Maintenant chascun est pour soy Et souvent l'ung l'autre deçoit En plusieurs lieux on l'apperçoit Que ung frere a l'autre dit injure Ou quelque opprobre s'il le sçait Pour une petite murmure. Causa pusilla nocet: sapiens nocentia vitat. Ergo nos aliam convenit ira viam.
J'ay dit qu'il n'y a celle au monde Qui tant me plaise que tu fais Je le dy pour la fois seconde Ainsi que j'ay dy une fois Tant chierement je voy tes fais Que cueur voulenté et couraige Et tous mes espris sont refais Quant je voy ton biau personnaige Sed loquor inde casum tua mens puerilis et etas. Quid nocet aut prodest noscere nescit adhuc
Le monde a plusieurs povretés De quoy son voysin ne sçait rien Tel a de grans necessités Qui dit qu'il est tout plain de bien Pour ce pamphille garde bien De dire que soies souffreteux Mais dy plus tost que tout est tien Ou tu n'es point vray amoureux. Crede quod interdum multis mendatia prosunt. Et quandoque nocet omnia vera loqui
Mot du Jour
D'autres à la Recherche