Vietnam or Thailand ? Vote for the TOP Country of the Week !
Mis à jour: 11 juin 2025
Mais galathee nonobstant Je vous prie que prenez espace De reposer en me escoutant Ung peu de vostre bonne grace Sans que je die ne que face Chose en quoy soit trouvé blasme Si non qu'on me donne l'audace De parler ung peu a ma dame Inde deum celi testorum quoque numina terre Non loquor ista tibi fraude vel ingenio
Que loquor ascultet pietas et gratia vestra Alter et assensu nescit absque meo. Si te prie par amitié Que escoutes ce que vueil dire Et ayes de moy pitié Car la douleur et martire Que nuyt et jour mon cueur tire Est si grant que dire n'ose Si fault il que te l'expose Mais je te prie humblement Qu'on n'en saiche aucune chose Tenon l'ay secretement
J'ay dit qu'il n'y a celle au monde Qui tant me plaise que tu fais Je le dy pour la fois seconde Ainsi que j'ay dy une fois Tant chierement je voy tes fais Que cueur voulenté et couraige Et tous mes espris sont refais Quant je voy ton biau personnaige Sed loquor inde casum tua mens puerilis et etas. Quid nocet aut prodest noscere nescit adhuc
Au devant que je la trouvasse Plusieurs choses pensé avoye Qu'il failloit que luy declairasse Et que declairer luy pensoye Mais je ne sçay par quelle voye Crainte m'est venu attraper Tant que de tout ce que vouloye Ung mot ne sçauroit eschapper Non sum qui fueram vix me cognoscere possum Non bene vox sequitur sed tamen inde loquor
Mot du Jour
D'autres à la Recherche