United States or Bolivia ? Vote for the TOP Country of the Week !
En la chambre de ma pensée, Quant j'ay visité mes tresors, Mainteffoiz la trouve estoffée Richement, de plaisans confors; A mon cueur je conseille lors, Qu'y prenons notre demourée, Et que par nous soit bien gardée, Contre tous envieux rappors.
Mes yeulx cuiday qu'eussent manty, Quant apporterent sa figure Devers mon cueur, en pourtraiture; Mais vray fut, et plus que ne dy. Comment, etc. Plaisant regard, mussez vous, Ne vous monstrez plus en place, Mon cueur craint vostre menace, Dont mainteffoiz l'ay rescous; Vostre actrait soubtil et doulx Blesse sans qu'on lui mefface. Plaisant, etc. Ne vous, etc.
Amour repont, «Il est le bien venu, Ou temps passé j'ay son pere congneu, Plusieurs autres aussi de son lignaige Ont mainteffoiz esté en mon servaige, Parquoy tenu suy plus de lui bien faire, S'il veult apres son lignaige retraire; Vien ça, dist il, mon filz, que pense tu? Fu tu oncques de ma darde feru; Je croy que non, Car ainsi le me semble; Vien pres de moy, si parlerons ensemble.
Je congnois assez telz desbas Que l'ueil et le cueur ont entre eulx; L'un dit: Nous serons amoureux, L'autre dit: Je ne le vueil pas. Raison s'en rit, disant tout bas: Escoutez moy ces maleureux. Je congnois, etc. Que l'ueil, etc. Lors m'en vois plustost que le pas, Et les tanse si bien tous deux, Que je les laisse tres honteux; Mainteffoiz ainsi me combas. Je congnois, etc.
Je ne me scay jamais garder des tours De Fortune, qui mainteffoiz changier A fait mon jeu, et tourner
Tellement, quellement, Me faut le temps passer, Et soucy amasser Mainteffoiz, mallement, Quant ne puis nullement Ma fortune casser. Tellement, etc. Me faut, etc. G'iray tout bellement, Pour paour de me lasser, Et sans trop m'enlasser, Ou monde follement. Tellement, etc.
Je deviens vieil, sourt et lourt, Et quant me treuve en ennuy, Nonchaloir est mon apuy, Qui mainteffoiz me secourt. Des soucies, etc. Je voy mal faire et mal parler, Je voy meschefz renouveller, Je voy loyaulté du tout morte, Je voy trahison aspre et forte, Je voy partout tout mal aler. Je voy hayneurs entre acoler, Verité voy dissimuler, Grans et petiz sont d'une sorte. Je voy mal, etc.
Gardez vous de mergo Trompeur faulx et rusez, Qui les gens abusez Mainteffoiz a tergo. En tous lieux où pergo, Fort estes accusez. Gardez vous, etc. Trompeur, etc. Mercy dit: abstergo Les faultes dont usez, Mais que les refusez; Avisez vous ergo. Gardez vous, etc. Encore lui fait il grant bien De veoir celle qu'a tant amée, A celui qui cueur et pensée Avoit en elle, comme tien.
Et pour ce, de vostre partie, Se voulez croire mes conseulx, D'abregier, conseillier vous veulx, Voz faiz, en sens, ou en folie. Que voulez vous, etc. Plusieurs y trouvent chiere lye Mainteffoiz, et plaisans acueulx. Que voulez vous, etc. Mais au derrain, Merencolie De ses huis fait passer les seulx, En deuil et soussy, Dieu scet quieulx; Lors ne chault de mort, ou de vie. Que voulez vous, etc.
Quant en mon lit doy reposer de nuis, Penser m'assault, et Désir me guerrye; Et en pensant mainteffoiz m'est advis Que je vous tiens entre mes bras, m'amye; Lors accolle mon oreillier, et crie: Mercy Amours, faictes moy si eureux, Qu'avenir puist mon penser en ma vie, Pour alegier mes griefz maulx doloureux.
Mot du Jour
D'autres à la Recherche