courtoysie

Mis à jour: 29 juillet 2025

Je luy priay par courtoysie Veoir ces livres de valeur Mais pourtant ne le fist il mye Et me dit que qui estudie Leans il soit duyt & asseur D'apprendre sa leçon par cueur Car memoire n'a autre livre Que tel qui souvent luy livre

Olivier de La Marche - Le chevalier délibéré

Pamphile tolle manus male nunc offendis amicam. Jamque redibit avus pamphile tolle manus. Oste tes mains je t'en prie Pamphille car ton amye Tu offenses malement La vieille presentement Reviendra n'en doubte mie Ne monstre point ta folie Conduy toy par courtoysie Sans villain atouchement Oste tes mains je t'en prie Pamphille car ton amie Tu offences malement

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Galathee ma doulce seur ma mye Du bon du cueur/ humblement je te prie Comme cause de mon salut entier Puis que tu es en ce plaisant vergier Que me monstres ta doulce courtoysie Mille baisiers par doulce compaignie Me pourroyent guairir ma maladie Qui de mire a besoing et mestier Galathee ma doulce seur ma mye Du bon du cueur humblement je te prie Comme cause de mon salut entier Acolle moy doulce seur il m'ennuye Puis qu'il convient que mon plaisir te die Je suis pour toy en ung mortel dangier Tant que ne puis ne boire ne mengier Mon ame en toy de tous poins est ravie Galathee ma doulce seur m'amie Du bon du cueur humblement je te prie Comme cause de mon salut entier Puis que tu es en ce plaisant vergier Que me monstres ta doulce courtoysie

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle