United States or North Korea ? Vote for the TOP Country of the Week !
Galathee ma doulce seur ma mye Du bon du cueur/ humblement je te prie Comme cause de mon salut entier Puis que tu es en ce plaisant vergier Que me monstres ta doulce courtoysie Mille baisiers par doulce compaignie Me pourroyent guairir ma maladie Qui de mire a besoing et mestier Galathee ma doulce seur ma mye Du bon du cueur humblement je te prie Comme cause de mon salut entier Acolle moy doulce seur il m'ennuye Puis qu'il convient que mon plaisir te die Je suis pour toy en ung mortel dangier Tant que ne puis ne boire ne mengier Mon ame en toy de tous poins est ravie Galathee ma doulce seur m'amie Du bon du cueur humblement je te prie Comme cause de mon salut entier Puis que tu es en ce plaisant vergier Que me monstres ta doulce courtoysie
Mot du Jour
D'autres à la Recherche