poëstés

Mis à jour: 9 mai 2025

Et se tu me scés bien entendre, Par ces paroles pués aprendre Que richeces et révérences, Dignités, honors et poissances, Ne nule grace de Fortune, Car ge n'en excepte nesune, De si grant force pas ne sont, Qu'il facent bons ceus qui les ont, Ne dignes d'avoir les richeces, Ne les honors, ne les hauteces; Mès s'il ont en eus engrestiés, Orguel, ou quelques mauvestiés, Li grant estat où il s'encroent, Plus tost le mostrent et descloent, Que se petit estat éussent, Par quoi si nuire ne péussent; Car quant de lor poissances usent, Li fait les volentés encusent, Qui démonstrance font et signe Qu'il ne sunt pas ne bon, ne digne Des richeces, des dignités, Des honors et des poëstés.

de Lorris Guillaume - Le roman de la rose : Tome II

* [p.64] Li fust estoient et li fer 987 Plus noirs que déables d'enfer. La première avoit non Orguex, L'autre qui ne valoit pas miex, Fu apelée Vilenie; Icele fu de felonie Toute tainte et envenimée La tierce fu Honte clamée, Et la quarte Desespérance: Novel-Penser fu sans doutance Apelée la darreniere. Ces cinq floiches d'une maniere Furent, et moult bien resemblables; Moult par lor estoit convenables Li uns des arcs qui fu hideus, Et plains de neus, et eschardeus; Il devoit bien tiex floiches traire, Car el erent force et contraire As autres cinq floiches sans doute. Mès ne diré pas ore toute Lor forces, ne lor poestés. Bien vous sera la vérités Contée, et la sénéfiance Nel' metré mie en obliance; Ains vous dirai que tout ce monte, Ainçois que je fine mon conte. Or revendrai

de Lorris Guillaume - Le roman de la rose : Par Guillaume de Lorris et Jean de Meung; Édition accompagnée d'une traduction en vers; Précédée d'une Introduction, Notices historiques et critiques; Tome I