United States or Senegal ? Vote for the TOP Country of the Week !
* [p.64] Li fust estoient et li fer 987 Plus noirs que déables d'enfer. La première avoit non Orguex, L'autre qui ne valoit pas miex, Fu apelée Vilenie; Icele fu de felonie Toute tainte et envenimée La tierce fu Honte clamée, Et la quarte Desespérance: Novel-Penser fu sans doutance Apelée la darreniere. Ces cinq floiches d'une maniere Furent, et moult bien resemblables; Moult par lor estoit convenables Li uns des arcs qui fu hideus, Et plains de neus, et eschardeus; Il devoit bien tiex floiches traire, Car el erent force et contraire As autres cinq floiches sans doute. Mès ne diré pas ore toute Lor forces, ne lor poestés. Bien vous sera la vérités Contée, et la sénéfiance Nel' metré mie en obliance; Ains vous dirai que tout ce monte, Ainçois que je fine mon conte. Or revendrai
En mon séant lores m'assis, Moult angoisseus et moult pensis; Moult me destraint icele plaie, Et me semont que ge me traie Vers le bouton qui m'atalente. Mès li archier me represente Une autre floiche de grant guise: La quarte fu, s'ot nom Franchise.
Mot du Jour
D'autres à la Recherche