United States or Peru ? Vote for the TOP Country of the Week !
Veu ce que tu m'as recité De pamphille il est verité Qu'il desire parfaictement Mon amour et affinité Et sans grande difficulté Je le croy aussi fermement Par ton gratieux parlement Qui disoit des biens largement Lesquelz sont en luy ce me semble Vraye amitié soudainement Pour te le dire clerement Nous a desja conjoings ensemble Vela le point Qui nous conjoinct En ung cueur deux Je n'en mens point Se l'en nous joinct C'est pour le mieulx Jeunes et vieulx Vrais amoureux Dieu grace parfaicte nous doint De bien vivre ensemble en tous lieux Sans que par ses faulx envieux Nostre assemblement soit desjoinct
In quibus esse solet loca sepius ipsa frequenta Sine potes pulchris pascere pasce jocis Il te fault aussi mettre entente A souvent les lieux frequenter Ou voulentiers elle frequente Et ou elle hante hanter Devant elle rire chanter Et la repaistre de beaux jeux Dire beaux motz doulx caqueter Et tenir termes gratieux Gaudia semper amat et ludi verba juventus Et juvenum mentes hec in amore movent
Venus incite les couraiges Des amans qui sont gratieux De ses biens elle donne aux larges Et tolz aux avaricieux Elle suyt liesse en tous lieux Et fait son repos de liesse Au contraire elle fait tristesse Car ung amoureux gent et miste S'il ensuyt venus la deesse En tout lieu et en toute adresse Jamais ne sçauroit estre triste. Narraret nullus quantum valet veneris usus.
Rejette ceste crainte au loing Pour cella ne te fault point faindre En ce cas il n'y a besoing Ne quelque matiere de craindre Se venus t'a voulu attaindre De son feu doulx et gratieux Pour quoy le vouldrois tu destaindre Par la crainte des envieux Oultre plus le cas de vous deux Sera secret celuy ne celle Ne sera et eust il mil yeulx Qui en saiche aucune nouvelle
Croy pamphille que bien mentir Aucuneffois est treslicite Il ne s'en fault point repentir On voit que a plusieurs il proffite Verité aussi estre dicte A toute heure n'est pas louable En une amoureuse poursuyte Mentir est souvent convenable. Comme venus admonneste pamphille de estre gratieux et habandonné aux serviteurs de la maison la ou il veult estre amoureux.
S'en faisant icy voz beaulx jeux Ainsi que font les amoureux Il y a eu contention Ou quelque noyse entre vous deux Quelque petit mot oultraigeux Ou quelque dit mal gratieux Je n'en suis pas occasion J'estoie en ma provision Ce seroit grant abusion De me arguer de ce meffait La ou participation N'ay en quelque condition Car rien qu'en bonne intention Vostre assemblement je n'ay fait
Mot du Jour
D'autres à la Recherche