Vietnam or Thailand ? Vote for the TOP Country of the Week !
Mis à jour: 20 juillet 2025
Jeunesse parle voulentiers D'amours il est bon a sçavoir Entre les saiges et entiers Jeu honneste est a recepvoir Et si ne doivent point mouvoir Parolles de jeu nul debat Quant on peult bien appercevoir Qu'on ne les dit que par esbat Sed modo dicamus cordis secreta vicissim Dicta que preter nos nesciat alter homo
A table tout trouvoye amer Et ainsy en lieu de menger Lors entroie en haulte mer Et ne savoye que forger Mon esbat estoit de songer Ou de froter mes paupieres Et puis pour mon mal alleger Faisoye des croix aux sallieres Damp prieur
Tout esbahy alors je me trouvay, Si respondy au mieulx que je savoye: Tres belle fleur, oncques je ne pensay Faire chose qui desplaire te doye; Se, pour esbat, aventure m'envoye Que je serve la fueille cest an cy, Doy je pourtant estre de toy banny? Nennil certes, je fais comme je doy, Et, se je tiens le party qu'ay choisy, Riens n'ay meffait, ce pense je, vers toy.
Bien scay, mon cueur, que faulx Dangier Vous fait mainte paine souffrir; Car il vous fait trop eslongner Celle qui est vostre desir; Pourtant vous fault esbat querir; Mieux conseiller, je ne vous scay, Pour vostre doleur amendrir, Ce premier jour du mois de May.
Jeunesse tost se tira devers eulx, Apres elle m'en alay tout honteulx, Car jeunes gens perdent tost contenance Quant en lieu sont où n'ont point d'acointance; Si lui ont dit: «Bien soyez vous venue; Puis par la main l'ont liement tenue; Elle leur dit: «De cueur vous en mercy; J'ay amené céans cest enfant cy, Pour lui monstrer le tres loyal estat Du Dieu d'amours, et son joyeulx esbat.
Assez m'en, etc. Ce n'est pas par ypocrisie, Ne je ne suis point apostat Pourtant, se change mon estat Es derreniers jours de ma vie. J'ay gardé, ou temps de jeunesse, L'observance des amoureux, Or m'en a bouté hors Vieillesse, Et mis en l'ordre douloreux Des chartreux de Merencolie, Solitaire, sans nul esbat; A briefz motz, mon fait va de plat, Et pour ce, ne m'en blasmez mye. Ce n'est pas, etc.
Je n'ay chose qui tant m'agrée, Ne dont tiengne si grant chierté, Car, en ma dure destinée, Mainteffoiz m'a reconforté; Ne mon cueur n'a jamais santé, Fors, quant il y peut regarder Des yeulx de joyeuse plaisance, Il s'y esbat pour temps passer, En actendant bonne esperance.
Il est bien vray qu'en cet esbat La boule les quilles abbat, Mais icy c'est une autre affaire, Car aux quilles vient le contraire, Puisqu'au lieu de les renverser Les tetins les font redresser. J'ayme une fille de village, De qui le gros sein pommelé Monstre qu'elle tient recelé Sous sa cotte un gros pucelage.
Par la foy de mon corps! jamais Mon cueur ne se peut d'eulx lasser; Car si richement sont pourtrais, Que souvent les vient regarder, Et s'y esbat pour temps passer, En disant par ardent desir: Dieu doint que, pour me conforter, De mille l'un puist avenir!
Mot du Jour
D'autres à la Recherche