United States or Sierra Leone ? Vote for the TOP Country of the Week !
Je suis joyeulx sans plaisance mondaine; Où chascun rit, pensif et douloreux; Sans nul travail, si suis je hors d'alaine; Pres de tout bien, suis le tres langoreux; Ce qui me plaist, est aspre et rigoreux; J'ayme estre seul, et si vueil compaignie; Je dors assez, et suis en frenesie; En desespoir j'ay grand allegement; Ce qui est doulx, m'est plus amer que suye; Or jugiez donc se je vis plaisamment.
Assez m'en, etc. Ce n'est pas par ypocrisie, Ne je ne suis point apostat Pourtant, se change mon estat Es derreniers jours de ma vie. J'ay gardé, ou temps de jeunesse, L'observance des amoureux, Or m'en a bouté hors Vieillesse, Et mis en l'ordre douloreux Des chartreux de Merencolie, Solitaire, sans nul esbat; A briefz motz, mon fait va de plat, Et pour ce, ne m'en blasmez mye. Ce n'est pas, etc.
Il dit qu'il est tant douloreux, Et qu'il est mort sans recouvrance; Mais bien seroit il maleureux, Qui donneroit en ce creance; On peut veoir que celle penance, Qu'il lui a convenu souffrir, N'a fait son visaige pallir, Ne amaigrir de maladie, Ainsi se mocque, pour chevir Des grans biens de ma seigneurie.
Je gaingne temps, et pers mainte sepmaine; Je joue et ris, quant me sens douloreux; Desplaisance j'ay, d'esperance plaine; J'actens boneur en regret angoisseux; Rien ne me plaist, et si suis desireux; Je m'esjois, et courre
Mot du Jour
D'autres à la Recherche