desclaré

Mis à jour: 28 mai 2025

Je te desclare mon couraige Et ne sçay se je faiz que saige Mon honneur a toy habandonne Mais je te requier que a personne Tu n'en faces quelque langaige Tant seullement au personnaige Lequel j'ayme tant que c'est raige De cecy congnoissance donne Je te desclare mon couraige Et ne sçay se je fais que saige Mon honneur a toy habandonne Touteffois pour bien le messaige Luy faire de premier passaige Pas a luy ne t'en arraisonne Mais quelque raison ordonne Qui lui soit ung petit sauvaige Je te desclare mon couraige Et ne sçay se je fais que saige Mon honneur a toy habandonne Mais je te requier que a personne Tu n'en faces quelque langaige

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Regarde que tu me diras Et me desclaire ta pensee Se tu ne es folle ou insensee Ton vouloir me descouvriras Par moy nul deshonneur n'auras Pour chose qui soit confessee Regarde que tu me diras Et me desclare ta pensee Pense que quant tu l'aymeras Tu seras par tout avancee Tu vois la chose commencee Que se tu veulx tu parferas Regarde que tu me diras Et me desclare ta pensee Se tu n'es folle ou incensee Ton vouloir me descouvriras

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle