sauvaige

Je te desclare mon couraige Et ne sçay se je faiz que saige Mon honneur a toy habandonne Mais je te requier que a personne Tu n'en faces quelque langaige Tant seullement au personnaige Lequel j'ayme tant que c'est raige De cecy congnoissance donne Je te desclare mon couraige Et ne sçay se je fais que saige Mon honneur a toy habandonne Touteffois pour bien le messaige Luy faire de premier passaige Pas a luy ne t'en arraisonne Mais quelque raison ordonne Qui lui soit ung petit sauvaige Je te desclare mon couraige Et ne sçay se je fais que saige Mon honneur a toy habandonne Mais je te requier que a personne Tu n'en faces quelque langaige

Anonymous - Livre d'amours, auquel est relatee la grant amour et façon par laquelle Pamphille peut jouir de Galathee et le moyen qu'en fist la maquerelle

Venez avant, dist il, plaisant Beaulté, Je vous requier que sur la loyaulté Que me devez, le venez assaillir, Ne le laissiez reposer ne dormir, Ne nuit, ne jour, s'il ne me fait hommaige, Aprivoisiez ce compaignon sauvaige; Ou temps passé vous conqueistes Sampson Le fort, aussi le saige Salmon. Se cest enfant surmonter ne savez, Vostre renom du tout perdu avez.

Charles d'Orléans - Poésies de Charles d'Orléans

Le truchement de ma pensée, Qui parle maint divers langaige, M'a rapporté chose sauvaige Que je n'ay point acoustumée. En francoys la m'a translatée, Comme tres souffisant et saige. Le truchement, etc. Qui parle, etc. Quant mon cueur l'a bien escoutée, Il lui a dit: Vous faictes raige, Oncques mais n'ouy tel messaige, Venez vous d'estrange contrée? Le truchement, etc.

Charles d'Orléans - Poésies de Charles d'Orléans

Doux yeux singlans et desvoyés Qui jectent ung maintien sauvaige Dont communement vous voyés Ses povres varletz de village Porter dessoubz leurs bras la targe Ou ung bouquet a la sainture Et puis sauter a l'avantaige Ilz ont bon temps mais qu'il leur dure

d'Auvergne Martial - L'amant rendu cordelier a l'observance d'amour