United States or Uganda ? Vote for the TOP Country of the Week !
N'oubliez pas les prisonniers, Bonnes gens, aiez en mercy; Ilz sont en la tour de Soussy, Et n'ont ne mailles, ne deniers, Larrons ne sont point, ne murtriers, Par envie on les tient ainsi. N'oubliez pas, etc. Bonnes gens, etc. Faictes comme bons aumosniers, Pour la grant pitié que veez cy, Et pour vous prieront Dieu aussi De tres bon cueur, et voulentiers. N'oubliez pas, etc.
«Joseph, or has oï comment Li Fiuz Diu tout certeinnement Vint en terre; et si has oï Pour quoi de la Virge naschi, Pour ce qu'en la crouiz moréust Et li Peres s'uevre réust: Pour ce sui en terre venu, Et li sans de mon cors issuz, Qui en issi par .v. foïes; Assez i soufri de haschies.» «Comment, sire! Joseph li dist; Estes-vous donc Jhesus qui prist Char en la Virge precieuse, Ki fu Joseph fame et espeuse? Cil que Judas xxx deniers Vendi as Juis pautonniers, Et qu'il fusterent et batirent Et puis en la crouiz le pendirent? Que j'en la sepouture mis, Et de cui dirent li Juis Que j'avoie vo cors emblé Et dou sepuchre destourné?» «Je sui icil tout vraiement: Croi-le, si auras sauvement; Croi-le et si n'en doute mie: Si auras pardurable vie.» «Sire, dist Joseph, je vous proi Que vous aiez pitié de moi. Pour vous sui-je cileques mis; Si serei tant con serei vis, Se vous de moi pitié n'avez Et de cest liu ne me gitez. Sire, tous jours vous ei amé; Meis n'en ei pas
Mot du Jour
D'autres à la Recherche