Vietnam or Thailand ? Vote for the TOP Country of the Week !
Mis à jour: 5 juin 2025
Mon cheval qu'on nomme vouloir Tiroit en ce lieu tant au frain Que je n'euz de tenir pouoir Que subit ne fusse pour voir Droit au milieu de beau plain La subit je voys tout plain Ung chevallier qui m'attendoit Et que combatre me failloit
Et me dist pour tout reconfort Fresche memoire pour conclurre Tu voys les euvres de la mort Riens ny vault puissance ne fort Il te fault a cella reduire Le meilleur ou l'en te peult duyre C'est de memoire despescher Du scinderesse de peché
A dieu te dy car je contemple Que tantost mon pere et ma mere Sont prestz de revenir du temple Je m'en voys je crains vitupere Car s'il advenoit que mon pere Fust arrivé a la maison Il me batroit c'est chose clere Je m'en vois il en est saison. Tempora sat veniant pariter quibus ambo loquimur Et memor alterius quisque sit interea
Helas doncques que doy je faire Je craing dangier le mal parlant Mon tresgrant ennemy contraire Qu'il ne me rencontre en alant En montant ou en devallant Se je y voys c'est en ceste doubte Mal asseur va qui ne voit goute Conqueror est que mee justissima causa querelle Cum sit consilii copia nulla michi
Quant aage me eut desarmé De mon bon escu d'esperance Il s'est du tout abandonné Pour ce qu'il me sentoit foulé Et affoibly en ma puissance Et ne voys autre recouvrance Pour eschapper de ce dangier Que de me rendre prisonnier
Il souffist bien que je le sache, Sans en enquerir plus avant; Car se tout aloye disant, On vous pourrait bien dire actache. Nul de la langue ne m'arrache Ce qu'en mon cueur je voys pensant. Il souffist, etc. Sans en, etc. Ainsi qu'en blanc pert noire tache, Vostre fait est si apparant, Que m'y trouve trop congnoissant; Qui est descouvert, mal se cache. Il souffist, etc.
Mot du Jour
D'autres à la Recherche