Vietnam or Thailand ? Vote for the TOP Country of the Week !
Mis à jour: 12 mai 2025
Item on peult planter sans racine tous arbres qui ont grant moelle si comme sont figuiers/ couldre franche/ meuriers/ vignes/ coigniers/ seucz/ saules/ & leurs semblables. Ce doit faire depuis la my Septembre jusques a la toussainctz. Et aultres arbres a racine doibvent estre plantees es advens de noel ou tantost aprés/ pource que souventesfoys le temps y est moult froict.
Affin que celles qui demeurent ayent plus d'humeur & grande substance. Et aussi leur deschausser les racines aprés la Toussainctz/ & fendre des plus grosses racines & mettez es fentes des esclatz de Pierre bien dure & les laissez affin que l'humeur de la terre puisse entrer par la. Et puis les rechaussez de moult fort bonne terre a l'yssue de l'yver.
Pour avoir poires de quelque sorte que ce soit bon chrestien/ ratau/ calvau: angoisse/ ou d'aultre sorte deulx moys plus tost que les aultres/ & durent bonnes jusques aulx nouvelles entez en coigner & en franc meurier. Pour avoir franches meures bien tost/ et bien tard jusques a la Toussainctz/ entez en poirier de hastiveau ou en groisellier pour les avoir tost/ & en meslier tard.
Pour faire que Pommes & Poires/ & aultres fruictz viennent sans fleurir. Entez le greffe en ung figuier. Pour avoir pommes de blanc durel/ ou de cappendu bien tost & aussi bien tard/ tellement que jusques a la Toussainctz en aura sur l'arbre/ & pour garder & faire durer le fruict jusques a deulx ans entez de richard en poirier d'angoisse & pommier.
Vous pouez garder greffes long temps/ mesmes depuis la toussainctz se les fueilles en sont cheutes jusques au temps d'enter: mais qu'elles soyent couvertes en terre demy pied avant sans que rien apparoisse dehors. Mais n'en cueillez si n'est par necessité jusques a noel ou environ/ & les enterez comme dict est non pas pres des murailles de paour des mulotz & merchez le lieu.
On doit transplanter les arbres depuis la Toussainctz jusques a Mars/ & le plus tost est le meilleur/ puis que les fueilles en sont cheuttes ce se n'est en lieux trop froitz & aquaticques/ esquelz vault beaucoup mieulx attendre a planter en Janvier & Febvrier.
Les jeunes Arbres de nouveau plantees/ fault aulcunesfoys arrouser a l'esté quant il faict temps sec. Aulmoins la premiere annee que on les a plantez/ mais les aultres grandes arbres prinses de long temps fault deschausser par dessus les racines aprés la Toussainctz quatre ou cinq piedz a l'entour & les rechausser a l'yssue de l'yver.
Aultre chose est des grosses & vieilles arbres que voulez totallement estroiser/ pour les renouveller comme sont noyers/ meuriers pruniers/ cerisiers/ & aultres/ il les fauldroit esbrancher/ & tout aprés la Toussainctz que les fueilles en sont cheuttes & avant qu'elles ayent recommencé a entrer en seve.
Pour avoir pesches plustost deulx moys que les aultres/ entez en vigne & franc meurier. Pour avoir des prunes tout au long de l'esté/ & jusques la Toussainctz de maintes manieres. Entez de l'ung & de l'autre en grosellier & en franc meurier/ & en cerisier. Pour faire que mesles/ cerises & pesches soyent au manger bonnes comme espices/ et que on les puisse garder jusques aulx nouvelles.
Pour avoir cerises en plusieurs arbres bonnes a manger jusques a la Toussainctz entez sur franc meurier: pareillement sur saulgier. Pour avoir grosses melles deux moys plustost que les aultres/ & que une soit meilleure que l'aultre entez en grossellier/ & en franc meurier/ & a les enter moillez les greffes en miel car les greffes moillees seront doulces.
Mot du Jour
D'autres à la Recherche