United States or Chad ? Vote for the TOP Country of the Week !
Pour avoir poires de quelque sorte que ce soit bon chrestien/ ratau/ calvau: angoisse/ ou d'aultre sorte deulx moys plus tost que les aultres/ & durent bonnes jusques aulx nouvelles entez en coigner & en franc meurier. Pour avoir franches meures bien tost/ et bien tard jusques a la Toussainctz/ entez en poirier de hastiveau ou en groisellier pour les avoir tost/ & en meslier tard.
Pour avoir poires de callouet & de hastiveau bien tost & bien tard sur les arbres entez en grosellier pour les avoir tost/ & pour les avoir tard en arbre pin ou sur poirier d'angoisse ou aultre dur arbre. Pour avoir mesles sans pierre/ & qu'elles deviennent doulces comme miel/ entez les en esglantier/ & a les enter moillez le greffe en miel & seront doulces/ & sans noyau.
Mot du Jour
D'autres à la Recherche