United States or Niger ? Vote for the TOP Country of the Week !
Et puis quant les saulvageaulx en seront gros d'ung an/ comme dict est/ il les fault tous arracher a l'yver: avant qu'ilz ayent recommencé a bourjonner/ & en faictes ung bastardiere/ comme il s'ensuyt. Le second chapitre qui est de faire bastardiere/ de faire petis saulvageaulx quant ilz sont arrachez de la pepiniere.
La maniere comme on les doit replanter/ est au .vi. chapitre. & puis les fault la enter/ a deulx ou troys ans aprés quant ilz y seront bien enracinez/ & les aultres saulvageaulx/ que laisserez en ladicte bastardiere/ vous les y pourrez enter si bon vous semble.
Tous saulvageaulx qu'on pense enter il les fault aussi esbrancher avant que les replanter s'il est possible advisez bien aussi a replanter voz arbrez en aussi bonne terre ou meilleure comme celle dont les avez arrachez/ & selon que la nature de chascun le requiert.
Mais se d'adventure: par oubly ou negligence avez laissé voz petis saulvageaulx en leur pepiniere deulx ou troys ans sans les arracher/ il les fauldroit reonner/ comme dict est/ des aultres petis/ mais leur fauldroit faire les reons plus creulx/ pour les replanter/ et ne leur rongner par tant leur racines d'ung peu & les esbranchez par hault/ selon qu'on verroit que besoing en seroit/ & ou surplus les transplanter & enter/ & en faire les aultres choses/ come dict est/ de ceulx qu'on reonne petis d'ung an.
Cy commence les chapitres contenuz en ce present livre. Le premier chapitre/ qui traicte comme on doibt affier pepinieres de pommiers poyriers pruniers & cormyers. Le deuxiesme chapitre qui traicte comme de faire bastardieres/ de petiz saulvageaulx quant ils sont arrachez de la pepyniere. Le troysiesme chapitre qui traicte d'affier Arbres de noyaulx.
Et pource s'il vous semble mieulx/ ne ja tant faire de raises/ mettez vostre gueret par planches larges de cinq piedz ou environ/ & y reonner yceulx petis saulvageaulx/ quatre reons en chascune planche ung pied en carré: loing l'ung de l'aultre/ comme vous feriés a planter de gros choulx/ & incontinent qu'ilz seront reonnez en l'une maniere ou en l'aultre/ comme dit est.
Mot du Jour
D'autres à la Recherche