United States or Saint Barthélemy ? Vote for the TOP Country of the Week !
Laissez de l'espace/ entre chascun de voz reons de l'ung reon a l'aultre/ ung pied ou environ/ tellement que vous puissez faire des raises aprés chascun reon/ de telle espace qu'on y puisse aller pour les cercles. Et pour y entrer une partie/ quant le temps en sera venu/ mais en faisant ainsi y auroit autant de raises comme de reons.
Il leur fault a tous coupper le tronc rez de terre/ mais en ce faisant gardez que ne les retirez du gueret/ ou si vous les voulez coupper avant que les renner/ mais qu'ilz feussent reonner de bonne mesure au rez de terre/ seroit assez & y faictes les raises comme il appartient & les emplissez de fumier sans l'enterrer ne couvrir la plante/ & les fault bien sercler & nettoyer les bourriers: & les beschetez aulcunesfoys en esté/ ung peu par dessus/ sans approcher trop des racines/ qui ne sont pas encores assez prinses.
Et pource s'il vous semble mieulx/ ne ja tant faire de raises/ mettez vostre gueret par planches larges de cinq piedz ou environ/ & y reonner yceulx petis saulvageaulx/ quatre reons en chascune planche ung pied en carré: loing l'ung de l'aultre/ comme vous feriés a planter de gros choulx/ & incontinent qu'ilz seront reonnez en l'une maniere ou en l'aultre/ comme dit est.
Et ce fait mettez le par planches larges de quatre petis piedz ou environ/ tellement qu'on les puisse sercler d'ung costé & d'aultre/ quant besoing en sera/ sans monter dessus/ & couvrez bien vostre marc/ de la terre que levrez en faisant les raises d'entre les planches & raclez ung peu par dessus/ sans amonceller icelluy marc.
Mot du Jour
D'autres à la Recherche