Vietnam or Thailand ? Vote for the TOP Country of the Week !
Mis à jour: 7 juin 2025
Au cimetere de memoire Trouveras & ne l'oublie mie Enfouyz par le territoire Ceulx dont la bible fait hystoire Exceptez enoc & helye Qui de la puissance infinie Et pour fournir ce qu'il doit estre Sont mys en paradis terrestre
Or pencés quelz piteux revers Quelz ennuys quelz gemissemens Quelz biens mondains mys a l'envers Quelz durs evanouissemens Quelz pleurs quel esbahissement Et quelles destresses la furent Sy m'esbahy veu les tourmens Que aucuns de dueil n'en moururent
A tant fut mys sans sainture Le povre homme en une salette Qui n'est trop clere ne obscure Ou après la procession faicte Se lieu s'appelloit la chambrette De dieu a y faire les dons Ou la maintes gens de la feste Firent illec de tresbeaux dons
Je demanday si par hystoires Par legendes ou par croniques Par escriptures ou memoires Ou par souvenirs transitoires Par subtilité ou practiques Est il rien mys en faitz antiques Des deux chevalliers si dessus S'ilz ont jamais esté vaincus
Je mys l'ueil sur ung empereur Filz de puissant roy de bahaigne Sigismond prince de valeur Hardy & vaillant deffenseur Du grant empire d'alemaigne Debile qui maint en meshaine La mort a batu & maté Maulgré empere & royaulté
Je congneuz deux ducz de millan L'un fut philippes maria Mort & infect a son grant dam L'escripvain n'y eut pas mys l'an Et pres couchoit & reposa Celluy duc qui millan gaigna Le duc franusque duc d'escosse Debile les occist par force
Debile sembloit moult a craindre Et branloit ung dard de grevance Monstrant qu'il ne se veult pas faindre Et s'il peult sa partie attaindre Il est mort ou mys en oultrance Le bon duc demenoit sa lance Et sembloit bien ung chevalier Qui ne daigneroit desmarchier
La gisoit soubz sepulchre hault Ung chevallier mort en ce plain Natif du pais de henault Dont le los retint qui moult vault C'est messire jacques de lalain Vingt & deux fois tout de sa main Arme ains trente ans acompliz Et l'a accident a mort mys
La furent en la terre mys Deux hommes de grant apparence L'ung fut cosme de menicis Et jaques cueur ceulx ont acquis Et mys ensemble grant finance Mais n'y vault ne or ne chevance Debile qui tout vainc & tue Les assomma de sa massue
Lors heraulx comme bien apris Prindrent ung drap texu de gloire Et l'ont sur le noble corps mys Et porté en terre & assiz Au saint lieu de digne memoire Ou l'on le trouvera encore Tant que le monde definera Ne jamais n'en departira. Comment le duc charles de bourgoigne combatit messire accident.
Mot du Jour
D'autres à la Recherche