Vietnam or Thailand ? Vote for the TOP Country of the Week !
Mis à jour: 26 juin 2025
Je ne sçay s'elle m'ayme ou non Mais je croy qu'elle m'aimera Et si n'ose dire son nom Par moy point on ne le sçaura Je pense que elle accordera A moy/ mais en tel differance Moult remaint de ce que fol pense Nec sunt aspectus/ plaga videre suos
Venus par armes tresardantes Igniferes et abrasantes Souvent me foulle et admonneste De me mettre au renc des amantes Et me dit en chansons plaisantes Qu'il n'y aura que chose honneste Le tourment que j'ay en la teste Par sa grande et cruelle force Tousjours me contraint et efforce D'aymer celuy qui me demande Et reallement me commande Par son commandement royal Que je l'ayme puis qu'il me mande Qu'il m'ayme tant de cueur loyal.
De ce traict qui tant vous poingt, Je n'ay point La force encor esprouvée: L'aveugle Dieu qui vous fiert Bien me quiert, Mais encor ne m'ha trouvée. Seulle me puis estimer Sans aymer Et veux bien souffrir qu'on m'ayme: Car ce m'est grand heur d'avoir Le pouvoir Sur autruy et sur moy mesme.
J'ayme qui m'ayme, autrement non; Et non pourtant je ne hay rien, Mais vouldroye que tout feust bien, A l'ordonnance de raison. Je parle trop, las! se faiz mon; Au fort, en ce propos me tien. J'aime qui, etc. Et non pourtant, etc. De pensées son chapperon A brodé le povre cueur mien, Tout droit de devers lui je vien, Et m'a baillé ceste chancon. J'aime, etc.
Mot du Jour
D'autres à la Recherche