United States or Bosnia and Herzegovina ? Vote for the TOP Country of the Week !
Celle espee qui la fait giste C'est celle dont mourut pompee Par le desloyal roy d'egypte Qui l'occist en lieu de merite Et luy a la teste couppee Accidant fut a celle armee Qui desfist le pillier & l'homme Soustenant du pillier de romme
En ce lieu cy ne failloit mye D'estre bien mengé de vermine Le roy lancelot de hongrie L'un des grans de la germanie D'estre ung empereur bon & digne Accident le print en haine Et l'occist par piteux exploitz Au grant diffame des pergois
Ung sepulchre assez noble & riche Je trouvay sur ung allemant Ce fut le duc aubert d'ostriche Celluy ne fut aver ne chiche Mais prince treslarge & vaillant Accident luy vint au devant Qui l'occist par son vaisselage Se que l'en tint a grant dommaige
La fut de sicile le roy D'onneur le droit fruyt & vray arbre Debile l'occist par derroy Et si veiz mort en ce terroy Gisans soubz ung tumbeau de marbre Deux de ses filz ducz de calabre Moult vertueux & renommez Par accident mors & tuez
La je veiz de ligny le conte Que de luxembourg se nommoit Des vaillans fut dont on racompte D'accident oncques ne tint compte Et tousjours a luy combatoit Mais debile qui l'ettendoit Au pas pour en prendre vengence L'occist a petite deffence
La gisoit ung portinglois Duc de conymbre filz de roy De grans vertuz en tous endroitz Prince vaillant saige & courtoys Plus renommé de luy ne voy Mais au milieu de son arroy Accident par mortelle envie L'occist & luy osta la vie
Mot du Jour
D'autres à la Recherche