Vietnam or Thailand ? Vote for the TOP Country of the Week !
Mis à jour: 29 mai 2025
Tous maulx de vous je voiz disant, Pour aveugler leur faulse envie; Non pourtant, je vous ayme tant, Ainsi m'aid la Vierge Marie, Que je pry Dieu qu'il me mauldie, Se ne trouvez, au par aler, Que vueil estre, quoy que nul die, Vostre loyaument, sans faulser.
Et, sans plus despendre langaige, A cours mots, plaise vous penser Que vous laisse mon cueur en gaige Pour tousjours, sans jamais faulser; Si me veuillez recommander A ma cousine, car croiez Que en vous deux, tant que vivrez, J'ay mise toute ma fiance; Et vostre party loyaument Tendray, sans faire changement, De cueur, de corps et de puissance.
Vous et moy avons maint servant, Que convoitise fort mestrie; Il ne fault pas, ne tant ne quant, Qu'ilz saichent nostre compaignie; Peu de nombre fault que manye Noz faiz secrez par bien celer, Tant qu'il soit temps qu'on me publie Vostre loyaument, sans faulser.
C'est fait follement D'ainsi desirer; Car, qui loyaument Veulent acquester Bon guerdonnement, Maint mal endurer Leur fault, et souvent A rebours trouver Tout leur pensement. S'Amour humblement Veulent honnourer, Et soingneusement Servir, sans faulser; Des biens largement Leur fera donner; Mais, premierement, Il veult esprouver Tout leur pensement.
Gaignez envers moy mal talant, A celle fin que nul n'espye Nostre amour, car par ce faisant, Sauldray hors du mal qui m'anuye; Mais faictes que bonne foy lye Nos cueurs, qu'ilz ne puissent muer, Car mon vouloir vers vous se plye, Vostre loyaument, sans faulser.
Tout mon fait saurez plus avant, Par le porteur en qui me fye; Il est loyal et bien saichant, Et se garde de janglerie; Creez le de vostre partie, En ce qu'il vous doit raconter, Et me tenez, je vous en prie, Vostre loyaument, sans faulser. Dieu me fiere d'espidimie, Et ma part es cieulx je renye, Se jamais vous povez trouver Que me faigne, par tromperie, Vostre loyaument, sans faulser.
Mot du Jour
D'autres à la Recherche