Vietnam or Thailand ? Vote for the TOP Country of the Week !
Mis à jour: 24 mai 2025
Dy moy tout belle je te prie Se pamphille vouloit te avoir Le vouldrois tu point/ ne crains mie A me faire cecy sçavoir Pas ne vien pour te decepvoir Se tu es en difficulté Se te crainte te font mouvoir Folie et rusticité Comme galathee respont a la vieille et luy dit que les persuasions qu'elle fait ne sont que flateries et pour avoir aulcuns dons
Je sçay bien et me tiens asseur Que tu croys mon entendement Changier par art et par doulceur De ton amoureux parlement Mais pamphille croy fermement Que par l'art que tu peulz sçavoir Il ne apartient aulcunement Que je me laisse decepvoir Quere tuis alias in cestis moribus aptas. Quas tua falsa fides et dolus infatuet
A ce esté par cas de fortune Ou se pamphille te y envoye Le fais tu pour avoir pecune Ou quoy/ bien je m'en doubteroye Car jamais ouy je n'avoye De pamphille parler ainsi Parquoy fault que esbahie soye Qui te fait parler de cecy Comme la maquerelle se excuse et dit que elle n'y vient point pour gaing ne pour la decepvoir et dit Semper iniquorum scelus impedit acta bonorum.
Mais je te pry dy moy combien De moy tu demandes avoir Pour me vouloir faire ce bien S'il te plaist je le vueil sçavoir Ce que vouldras de mon avoir Dy moy je le te donneray Voulentiers sans te decepvoir Mais dy moy ce que je payeray Comme la vieille dit qu'elle ne veult point de attente en ce marchié Mais avant que commencer ouvraige voir de quoy sans promesse
Nam cicius mecum ratio compescerit illud Cum ratione nichil diceret ille michi. Aussi tost qu'il arrivera Avec moy en quelque blason Voulentiers escouté sera S'il parle en termes de raison Mais s'il veult trouver achoison De me bouter en quelque voye Pour me decepvoir par trayson Jamais je ne l'escouteroye La vieille
Mot du Jour
D'autres à la Recherche