Vietnam or Thailand ? Vote for the TOP Country of the Week !
Mis à jour: 3 octobre 2025
Il le fault couper a ung ou a demy pied de terre en bihays a pied de chevre/ pour le fendre & mettre tant seullement une greffe. Et si le saulvaigeau est fort gros comme ung bon baston. Couppez le troncq tout rond par le hault a ung pied ou environ bien pres de terre pour y mettre deulx bonnes ou greffe en la fente.
Prenez des greffes d'aultres sortes d'arbres que vouldrez/ enter en quelque vigne/ & montez en l'arbre que voulez enter/ & en couppez aulcuns des cyons du hault/ & s'ilz sont plus gros que les greffes qu'i voulez mettre/ entez comme dict est/ des petis saulvaigeaulx/ qu'on ente a pied de chievre.
C'est quant elles commencent a bourjonner en Mars/ en Apvril. Et couppez bien rez du tronq/ icelluy boys superflu. Et par ainsi les aultres branches en proffiteront mieulx. Et se reclorra incontinent la seve sur la couppeure. Ce que ne pourroit pas si bien faire qui les coupperoit a l'yver comme font aulcuns qui ne le ont pas bien experimenté.
Mais si les cyons que couppez estoyent de la grosseur de la greffe/ couppez le par entre le vieil boys & le nouveau/ ou peu plus hault ou plus bas/ & le fendez ung peu: & taillez les greffes d'aultres arbres que y voulez mettre de grousseur pareille de ce que y avez couppé/ & leur faictes l'incision courte qui ayt l'escorse des deulx costez sans que l'ung costé soit plus espaix que l'aultre: & incisez vostre greffe en ycelle fente: tellement que les escorses d'ung costé comme d'aultre de la greffe soyent bien au droict d'icelle fente.
Mot du Jour
D'autres à la Recherche