United States or Zimbabwe ? Vote for the TOP Country of the Week !
Lors devient la terre si gobe, Qu'el volt avoir novele robe; Si scet si cointe robe faire, Que de colors i a cent paire, D'erbes, de flors indes et perses, Et de maintes colors diverses. C'est la robe que je devise, Por quoi la terre miex se prise.
Et quant par nuit dormir voloient, En leu de coites aportoient En lor casiaus monceaus de gerbes, De foilles, ou de mousse, ou d'erbes; Et quant li airs iert apaisiés, Et li tens cler et aésiés, Et li vens mol et delitables, Si cum en printens pardurables, Et cil oisel chascun matin S'estudient en lor latin A l'aube du jor saluer Qui tout lor fait les cuers muer: Zephirus et Flora sa fame, Qui des flors est déesse et dame, Cil dui font les floretes nestre, Flors ne congnoissent autre mestre: Car par tout le monde ensement, Les vont cil et cele sement, Et les forment et les colorent Des colors dont les flors honorent
Mot du Jour
D'autres à la Recherche