Vietnam or Thailand ? Vote for the TOP Country of the Week !
Mis à jour: 7 mai 2025
Baillez lui la massue, A cellui qui cuide estre Plus subtil que son maistre, Et sans raison l'argue; Ou il sera beste mue, Quant on l'envoyera pestre. Baillez, etc. A cellui, etc. Quoy qu'il regibe, ou rue, Si sault par la fenestre, Comme s'il vint de nestre, Sera chose esperdue. Baillez, etc. Ubi supra, N'en parlons plus Des tours cornulz, Et cetera; Non est cura, De telz abus. Ubi, etc.
Et quant par nuit dormir voloient, En leu de coites aportoient En lor casiaus monceaus de gerbes, De foilles, ou de mousse, ou d'erbes; Et quant li airs iert apaisiés, Et li tens cler et aésiés, Et li vens mol et delitables, Si cum en printens pardurables, Et cil oisel chascun matin S'estudient en lor latin A l'aube du jor saluer Qui tout lor fait les cuers muer: Zephirus et Flora sa fame, Qui des flors est déesse et dame, Cil dui font les floretes nestre, Flors ne congnoissent autre mestre: Car par tout le monde ensement, Les vont cil et cele sement, Et les forment et les colorent Des colors dont les flors honorent
Mot du Jour
D'autres à la Recherche