United States or Namibia ? Vote for the TOP Country of the Week !
Et ilz saillent maintenant hors et recoiuent la dame moult liez et moult ioyeux. Et elle dit a monseigneur Gauuain: "Sire, que targes vous a descendre?" "Damoiselle", fait il, "ie vous ay bien mise a sauuete, or vous commandz ie a dieu, car ie ne descendroie en nulle maniere." "Non, sire", fait elle, "certes ce poise moy, et ie scay bien que vous le laisses par corroulx."
Et maintenant saillent vasles qui prenent leurs cheuaulx, et dames yssent encontre eulx qui les mainent ou palaiz de leans et lez font desarmer. Si se prenent garde de leurs plaies et lez aisent de quanquilz peuent. Celle nuyt furent les .ij. cousins seruis et aeisie assez plus que silz feussent en lostel le roy Artus, car le Morholt sen entremet tant quilz sen merueillent tuit.