United States or New Caledonia ? Vote for the TOP Country of the Week !
Ale chóc sę mjasteczka e mjasta ve vse wódmjenjają, to jednak sveho mjona njgde njetracą. Tak jobe mog Vpane vjele mjast pókazac, co teros są vsamj, a jednak mają nazvjtka mjast nech dovnech. Ale wó tim ju gvesno je dosc. P. Moj Bracje, povjedź mj też, gdzje jest ta puszcza, v której zostavał Christus?
Kó doch Vpąn wumjeje półacenje. Je wu nas njedalek Jerozoleme czele Novehomjasta no mjesce, wó chterim mąme: Stetit Jezus in loco campestri. To mjesce nazevo sę teros Kąpjno; e jesz dzisdzen kóżdi przechódząci tę vstąpj, abo dlo wugaszenjo pragnjączki, abo na nocleg, abo tesz na jaka rozrivkę.
Jesz jo Vpane co vjci póvjim. Kje Mojżesz vesłel wórędovnjkov, cobe sę vevjadovale wó zemj wóbjecani, tej jich zdradzele. No tę to pamjątkę wuzdrzisz Vpan porę kot, prze ti puszczi vestavjonech, co sę nazevają Zdrada. Meho wójca wójc mje póvjodeł, że jeho wójc jesz pamjęteł jeden vądoł Jizraëlski njedalek tech zabudovan.