United States or Bermuda ? Vote for the TOP Country of the Week !
Diex son veissel li aportoit, Où son sanc requeillu avoit. De la grace dou Seint-Esprist Fu touz pleins, quant le veissel vist, Et dist: «Sires Diex tou-puissanz, Dont vient ceste clartez si granz? Je croi si bien vous et vo non Qu'ele ne vient se de vous non.» «Joseph, or ne t'esmaie mie: La vertu Dieu has en aïe; Saches qu'ele te sauvera En Paradis, où te menra.»
Nostres-Sires ha treit avant Le veissel precieus et grant Où li saintimes sans estoit Que Joseph requeillu avoit, Quant il jus de la crouiz l'osta Et il ses plaies li lava; Et quant Joseph vist le veissel Et le connut, mout l'en fu bel; Meis de ce mout se merveilloit Que nus ne seut où mis l'avoit, Qu'en sa meison l'avoit repus, C'onques ne l'avoit véu nus.
Mot du Jour
D'autres à la Recherche