Vietnam or Thailand ? Vote for the TOP Country of the Week !
Mis à jour: 14 juin 2025
Pour Dieu, gardez bien souvenir Enclos dedens vostre pensée, Ne le laissiez dehors yssir, Belle tres loyaument amée; Faictes que chascune journée Vous ramentoive bien souvent La maniere quoy et comment, Ja pieca, me feistes promesse, Quant vous retins premierement Ma Dame, ma seule maistresse.
Amour a tort, ce m'est advis, Qu'il ne fait aux dames sentir Les maulx, où leurs servans sont mis, Pour les tres loyaument servir. Pour vous, ma Dame, je le dy, Car se vous saviez le soussy, Qu'Amours, pour vous servir, m'envoye, Vous diriez bien que j'auroye, De droit, gaingné le don d'amy. M'avez vous, etc.
Nul remede ne scay querir, Dont ma doleur soit allegée; Fors que souvent vous requerir, Que la foy que m'avez donnée Soit par vous loyaument gardée; Car vous congnoissiez clerement Que, par vostre commandement, Ay despendu de ma jeunesse, Pour vous actendre seulement, Ma Dame, ma seule maistresse.
En desert ont mis son plaisir, Et joye tenue en pastis; Mais Confort lui a sans faillir De nouvel loyaument promis Qu'ilz seront desfaiz et bannis; De ce se fais fort Esperance, Et plus avant que n'ose dire, C'est ce qui estaint son martire En la prison de Desplaisance.
Se je puis veoir seurement Que m'amez tousjours loyaument, Content suis de passer destresse En vous servant joyeusement, Ma Dame, ma seule maistresse.
Il a longtemps, pour dire voir, Que tout mon estat congnoissez; N'ay je fait mon loyal devoir D'endurer, comme bien savez, Ouil, ce croy je plus qu'assez; Temps est que me donnez liesse, Desservie l'ay loyaument, Pardonnez moy, se je vous presse, Car trop ennuié qui actent.
Toutes dames qui oyez cy comment Prise celle que j'ayme loyaument, Ne m'en saichiez maugré, je vous en prie; Je ne parle pas en vous desprisant, Mais comme sien je dy en m'acquittant: De ces grans biens est ma Dame garnie.
Or vueilliez donc avoir pensée, Puisque lors j'avoye tel dueil, Belle tres loyaument amée, Qu'encore plus grant le recueil, Maintenant que, contre mon vueil, Me fault estre de vous loingtains, Et que veoir ne puis
Gaignez envers moy mal talant, A celle fin que nul n'espye Nostre amour, car par ce faisant, Sauldray hors du mal qui m'anuye; Mais faictes que bonne foy lye Nos cueurs, qu'ilz ne puissent muer, Car mon vouloir vers vous se plye, Vostre loyaument, sans faulser.
Si vous baillay le mien en garde, Belle Dame, Prenant charge De vous loyaument servir, Sans reprouche, ne diffame, Sur mon arme, Sans jamais de vous partir.
Mot du Jour
D'autres à la Recherche