Vietnam or Thailand ? Vote for the TOP Country of the Week !
Mis à jour: 24 mai 2025
Je devois, Archelas, mieux user du destin Qui m'avoit envoyé ta fille pour butin, Je devois faire esclave, & mener en Corcyre Celle qui doit un jour regner en ton empire; En ce cas ton couroux auroit du fondement Et tu me hayrois, mais legitimement.
Aristide croy moy; le soin de ma fortune, N'est point dans mes malheurs ce qui plus m'importune, Puis que comme tu dis, je puis trouver ailleurs, Et de plus doux espoirs, & des destins meilleurs. Mais comment penses tu que l'amour qui me lie, Me permette jamais de quitter Pamphilie? Peux tu t'imaginer qu'il soit en mon pouvoir, L'aymant infiniment de vivre sans la voir? Non, non, loing des attraits de ses graces divines, Les plus aymables fleurs me seroient des espines, Je hayrois un trosne, & des sceptres offerts Me plairoient beaucoup moins que l'honneur de mes fers. Mais si la cruauté d'un pere inexorable, A moy mesme aujourd'huy me rend mesconnoissable, S'il faut que je demeure en ce funeste Estat, Qui m'oste mes Amis, mes biens, & mon esclat, (Pardonnez ce discours
Mot du Jour
D'autres à la Recherche