United States or Greenland ? Vote for the TOP Country of the Week !
Le bien et le mal congnoissoit Jamais n'en sera de pareille Dieu luy doint bon jour ou qu'elle soit Et a tous ceulx de sa sequelle Quant j'oys encor parler d'elle Les larmes m'en viennent es yeux Et ma doleur s'en renouvelle Dont il ne m'en est pas de mieulx Damp prieur
A par ma foy je vous diray La chose ne m'est pas subite Car j'ay pieça deliberé De mourir reclus ou hermite Les biens d'amours je les vous quicte Mes ris sont tournés a plourer En lieu ou tout plaisir habite Je ne quiers jamais demourer Damp prieur
Par foy point n'arrestoye en place Ains estoie de mal et de peine Chault comme feu froit comme glace Souppirant a la grosse allaine Lors tensoie a ma poullaine Mes dois et cheveux tiroye Et s'avoye fleurs et marjolaines Par despit je les deschiroye Damp prieur
Quant il m'eust veu agenouiller Doubté ne s'en fust nullement Car me tenoye contre ung pillier priant la dieu devotement Mes yeux estoient au firmament Et mes mains es cieux renversees Mais croiés qu'en se mouvement Avoye maintes menues pensees Damp prieur
Ma maladie la ne gist point Ne n'ay regret a homme ne a femme Remors de conscience me point Seulement a pencer de l'ame Car a poursuir grace de dame Trop y fault de pas et de tours Et sy n'en puet on avoir dragme Qui ne couste mille douleurs Damp prieur
Helas dist il ne m'en chault Eslire vueil la voye certaine J'ay essayé du froit et du chault Et sçay que ceste vie mondaine Est fainte deceptive et vaine Faisans cent mille gens perir Qui plus y est plus a de peine Et sy fault une foys mourir Damp prieur
Doubter point ne fault de cela Tant estoit parfaicte et entiere Pour ce maintenir ça et la Fust en langaige et en maniere D'onneur estoit la tresoriere Belle et bonne sans quelque chose A chascun faisoit bonne chiere Mais ne m'y demandés autre chose Damp prieur
Or ça dist il j'ay parlé Au jour duy de vostre matiere Mais damp prieur s'en est allé Sy près il n'arrestera gueres Je vous asseure qui n'y a frere Ceans qui ne vous aime bien Pour quoy devés faire grant chiere Car vostre besongne ira bien
Que peut on mieulx homme congnoistre Que par service et diligence Quant on le voit nuyt et jour estre Atendant d'amours l'influence Muer couleur et contenance Suer trembler et soupirer Helas c'est bien l'experience Qui la vouldroit considerer Damp prieur
Le dire ne vous couste gueres Je sçay bien comment il m'en tient De tant que ma plaisance est chiere Voirement plus peine apartient Mais quant tousjours on la soustient En vivant soubz une esperance D'aquerir loier qu'on retient C'est la pour perdre pascience Damp prieur
Mot du Jour
D'autres à la Recherche