United States or Djibouti ? Vote for the TOP Country of the Week !
Et lors respondent tuit: "Ha, dieu! quel merueille ci a, nous ne cuidissions iamais que cy eust barat et deceuance." "Or le poues veoir", fait il, "appertement". Et le feu qui estoit grant a desmesure ot en peu deure ars le mantel et la damoiselle.
Et le serpent raqueil son vol et sen reuait dautre part en la forest si que en peu deure se fut moult esloignes de la croix. Quant il sen fu ainsi ale, le Morholt commence a se seignier et dit: "Saincte Marie, quest ce que iay huy veu. Suis ie enchantes, ou sui ie coniures? Par foy, ie ne scay que dire de ceste chose.