Vietnam oder Thailand? Stimme für das TOP Country der Woche ab!
Möchtest du schneller tippen? Übe mit einem typing test oder hab Spaß mit typing games!
Aktualisiert: 1. Oktober 2026
Or nen a riens fait, ains la du tout oblie et sil gaignoit au commencement la damoiselle et hahoit a luy de cuer, or ni a mes point de deceuance ne de gas, car il laime bien autant comme celle fait luy, et a ia mis en luy son cueur si oultreement quil vouldroit mieulx auoir Pellias occiz quil li eust la damoiselle liuree; ne il ne het orendroit nul homme autant comme il fet lui pour ce quil scet quil bee a la damoisele auoir.
"Certes", fait il, "vous dictes voir; pou en y a en la court mon oncle qui naient amye, ce scay ie bien certainement". "Dont vous y aues la vostre?" "Ha, damoisele"! fait messire Gauuain, "ie ne di mie que tuit laient, mais li pluseurs lont". "Et a vous", fet elle, "comment en va? Dictes le moy se dieu vous gart". "Se dieu me gart", fet il, "ie neuz oncques amie ne oncques namay par amours.