Vietnam or Thailand ? Vote for the TOP Country of the Week !
Aktualisiert: 9. Mai 2025
Or dit ly comptes que quant le Morholt se fut partiz de monseigneur Gauuain et de monseigneur Yuain, il cheuauche en la compaignie de la damoiselle qui le deuoit conduire et de son escuyer. Vng iour li aduint quil cheuauchoit parmy vne grant plaigne, et lors approcherent dun chastel qui seoit sur vne riuiere.
Et Gaheriet respont: "Ie y auroie greigneur honneur el combatre que ie nauroie ou laissier mener celle que ie deuroye conduire sauuement." Ainsi parlerent entreulx .ij. du iaiant iusques vers tierce. Apres tierce, vng peu deuant midy, regarderent tout contreual la plaigne et virent venir le iayant qui amenoit la damoiselle deuant lui sur vng pallefroy.
"Ha, sire!" fet elle, "ie ne scay que ie fiz, pour dieu pardonnes le moy". "Ie le vous pardoins", fet il, "mez auec moy ne vendres vous plus, se dieu plaist, queres vne autre compaignie". "Comment, sire", fait elle, "ne me deuez vous mener auec vous et conduire?"
"Messire Morholtz", fet Gauuain, "vous estes ainsnes, si choisires et prendres de ces .ij. damoiselles celle que vous mieulx ameres a conduire." Et il prent maintenant celle de moyen aage. Et messire Gauuain prent lautre qui moult estoit de grant beaute. Lors dient les cheualiers aux damoiselles: "Comment le ferons nous de vous? Auez vous cheuaux?"
Wort des Tages
Andere suchen