United States or Serbia ? Vote for the TOP Country of the Week !
And there by in the walle is the place where the 4 nayles of oure Lord weren hidd: for he had 2 in his hondes, and 2 in his feet: and of on of theise, the Emperour of Costantynoble made a brydille to his hors, to bere him in bataylle: and thorghe vertue there of, he overcam his enemyes, and wan alle the lond of Asye the lesse; that is to seye, Turkye, Ermonye the lasse and the more; and from Surrye to Jerusalem, from Arabye to Persie, from Mesopotayme to the kyngdom of Halappee, from Egypt the highe and the lowe, and all the othere kyngdomes, unto the Depe of Ethiope, and into Ynde the lesse, that then was Cristene.
And whan a man comethe out of that desert, he entrethe in to Egypt, that men clepen Egypt Canopac: and aftre other langage, men clepen it Morsyn. And there first men fynden a gode toun, that is clept Belethe; and it is at the ende of the kyngdom of Halappee. And from thens men gon to Babyloyne and to Cayre.
Word Of The Day