United States or Benin ? Vote for the TOP Country of the Week !
And this chirche is fulle richely wroughte, and alle over gylt with inne. And to that ydole gon men on pylgrimage, als comounly and with als gret devocioun, as Cristene men gon to seynt James, or other holy pilgrimages.
Also fro the dede See, to gon estward out of the marches of the Holy Lond, that is clept the Lond of Promyssioun, is a strong castelle and a fair, in an hille, that is clept Carak, en Sarmoyz; that is to seyne, Ryally. And for that cause, was it clept the Mownt rialle. And undre it there is a town, that hight Sobachie: and there alle abowte dwellen cristene men, undre trybute.
And whan men passen this desert, in comynge toward Jerusalem, thei comen to Bersabee, that was wont to ben a fulle fair town and a delytable of Cristene men: and zit there ben summe of here chirches. In that town dwelled Abraham the patriark, a long tyme.
There was somtyme a gret cytee and a gode, of Crystene men: but Sarazins han destroyed it a gret partye; and thei kepe that havene right welle, for drede of Cristene men. Men myghte go more right to that havene, and come not in Cypre: but thei gon gladly to Cypre, to reste hem on the lond, or elles to bye thingis, that thei have nede to here lyvynge. On the see syde, men may fynde many rubyes.
And thei suffre no Cristene man entre in to that place, but zif it be of specyalle grace of the Soudan. For thei holden Cristen men and Jewes as dogges. And thei seyn, that thei scholde not entre in to so holy place. And men clepen that place, where thei lyzn, double spelunke, or double cave or double dyche; for als meche as that on lyethe above that other.
And there is a vowt, undre the chirche, where that Cristene men duellen also: and thei han many gode vynes.
And at the fote of this hille was somtyme a gode cytee of Cristene men, that men cleped Cayphas: For Cayphas first founded it: but it is now alle wasted. And on the lift syde of the hille Carmelyn is a town, that men clepen Saffre: and that is sett on another hille. There Seynt James and Seynt Johne were born: and in the worschipe of hem, there is a fair chirche.
And zee schulle undirstonde, that Machamote was born in Arabye, that was first a pore knave, that kept cameles, that wenten with marchantes fur marchandize; and so befelle, that he wente with the marchandes in to Egipt: and thei weren than Cristene, in tho partyes. And at the desertes of Arabye, he wente in to a chapelle, where a Eremyte duelte.
And the Sarazines wrappen here hedes in white lynnene clothe. And the Cristene men, that duellen in the contree, wrappen hem in blew of Ynde; and the Jewes in zelow clothe. In that contree duellen manye of the Jewes, payenge tribute, as Cristene men don. Of the Province of Galilee, and where Antecrist schalle be born; Of Nazarethe. Of the Age of oure Lady.
And also of wylde bestes, as of olifauntz, tame and othere, babewynes, apes, marmesettes, and othere dyverse bestes; the mountance of 15 cumanez of zomen. And of Phisicyens Cristene, he hathe 200. And of leches, that ben Cristene, he hathe 210. And of leches and Phisicyens, that ben Sarrazines 20: but he trustethe more in the Cristene leches, than in the Sarrazines.
Word Of The Day