United States or Brunei ? Vote for the TOP Country of the Week !
This watre rennethe, flowynge and ebbynge, be a syde of the mountayne: and in that ryver men fynden precious stones and perles, gret plentee. And men of that yle seyn comounly, that the serpentes and the wilde bestes of that contree ne will not don non harm, ne touchen with evylle, no strange man, that entrethe into that contree, but only to men that ben born of the same contree.
And whan the firste thousand is thus passed, and hathe made his mostre, he withdrawethe him on that o syde. And than entrethe that other secunde thousand, and dothe right so, in the same manere of array and contenance, as did the firste; and aftre the thridde, and than the fourthe; and non of hem seythe not o word.
In that abbeye ne entrethe not no flye ne todes ne ewtes, ne suche foule venymouse bestes, ne lyzs ne flees, be the myracle of God and of oure lady. For there were wont to ben many suche manere of filthes, that the monkes werein in wille to leve the place and the Abbeye, and weren gon fro thens, upon the mountayne aboven, for to eschewe that place.
At that cytee entrethe the ryvere of Nyle in to the see; as I to zou have seyd before. In that ryvere men fynden many precyouse stones, and meche also of lignum aloes: and it is a manere of wode, that comethe out of Paradys terrestre, the whiche is good for manye dyverse medicynes: and it is righte dereworthe.
That ryvere of Nyle, alle the zeer, whan the sonne entrethe in to the signe of Cancer, it begynnethe to wexe; and it wexethe alle weys, als longe as the sonne is in Cancro, and in the signe of Lyoune. And it wexethe in suche manere, that it is somtyme so gret, that it is 20 cubytes or more of depnesse; and thanne it doth gret harm to the godes, that ben upon the lond.
And whan a man comethe out of that desert, he entrethe in to Egypt, that men clepen Egypt Canopac: and aftre other langage, men clepen it Morsyn. And there first men fynden a gode toun, that is clept Belethe; and it is at the ende of the kyngdom of Halappee. And from thens men gon to Babyloyne and to Cayre.
And betwene the hille and this gardyn rennethe a lytille broke of watre, that was wont to ben byttre; but be the blessyng of Helisee the prophete, it becam swete and gode to drynke. And at the foot of this hille, toward the playn, is a grete welle, that entrethe in to flom Jordan. Fro that hille to Jerico, that I spak of before, is but a myle, in goynge toward flom Jordan.
And that cytee of Damyete is on of the havenes of Egypt: and at Alisandre is that other, that is a fulle strong cytee. But there is no watre to drynke, but zif it come be condyt from Nyle, that entrethe in to here cisternes. And who so stopped that watre from hem, thei myghte not endure there. In Egypt there ben but fewe forcelettes or castelles, be cause that the contree is so strong of him self.
Word Of The Day