United States or Solomon Islands ? Vote for the TOP Country of the Week !
Żebe jes ją Vpan zneł, to zarzekaję sę, żebe jes beł apóstołę, bó v ti jedni móvje zavjerają sę vszetkje jinne, tę je Pólsko, Serbsko, Czesko, Resko, Presko, Letevsko, Mjemjecko, Szvecko, Dunsko, Ęgjelsko, Francesko, Łacinsko, Grecko, Hebrajsko jednim słovę, vszelkje móve; a z tech zrobjeł Pan Bog jednę godkę e nazveł ją Kaszebską; ale wużeczeł je le tim, co są te gódnosce vort.
Jo pòzvolaję no to, że v Pòlsce na skórach e toblecach pjsale e pjszą, bò tę mjele e mają vjele bedła e drzeva, a przez to vjele skor e toblec; ale wu nas je vjele lne e szotor, a ztąd e vjele papjore. P. Moj Bracje, jak ja słiszę, to Ti Kaszubov vistavjasz na vjelkich ludzj; albovjem, kjedi onj Bibliją vidali, to musjeli albo apostołamj albo coś nad apostołi bić.
Bó jedni Kaszebj są pódcevi z przerodzenjo; a ti są z pókolenjo Jaffeta: jinni wuczą sę ba pódcevemj, a ti są z pókolenjo Sema; a jesz jinszi, provdę veznac muszę, chóc s bólescą serca, są szelmamj z notere, a ti są z pókolenjo Chama. E ti to vłosnje są, wó chterech Kristus rzek: Njech rostą jasz do żnjva, a pótemu jich spolę.
Grebi są ti, co njmają swójich przevjlejov, anje takieh łask wód Pana Boga, jakje mają Fein-Kaszebj, chterzi przez swóje męztwo, co je napjsąne v xędze chronikorum Kaszebski, Tomje II. zeszece 30. na stronje 179, a to v te slova: Nom jich każe bjc, a vszetkieb wubjjeme vjeczni sobje zaszczet wu całeho svjata zrobjle.
Słowo Dnia