Vietnam or Thailand ? Vote for the TOP Country of the Week !
Mis à jour: 11 juin 2025
Et se une trouvés sy hardie Qu'elle vous requist de l'assoudre Ou lasser sa cote hardie Ne vous joués a l'estandre Trop bien cueillir ou ses plois joindre Pourrés et torcher son patin Mais gardés en cueillant de attaindre Ne de point toucher le tetin
Item se allés sus acouchees Ne vous aprouchés près des baings Ains des que verrés ces trenchees De fleurs roumarins aubefoings Serrés tant que pourrés les poings Et pencés lors a paradis En disant las a jointes mains Pour les mors ung de profundis
De ce qui sera au disner Vous pourrés hardiment taster En gardant vostre oeil de tourner Trop avant et de caqueter Car l'en ne se peut mielx gaster Vers femmes que de telz aveaux Et aussy de trop fort bouter Les piés par dessus les terteaux
Item s'en une hostellerie Pour loger vous fault transporter S'il y a feste ou mommerie Trop bien vous y pourrés bouter Mais se voyés grain s'acouter Le varlet et la chamberiere Fuyés vous en sans arrester Par l'uys de devant ou derriere
Cela en arriere ou avant Trop n'est pas prejudiciable Car autant en emporte le vent Et sy est euvre cheritable Aussy fault estre amiable Quant l'aumosne leur requerrés Combien que le moins convenable Est le mieux quant vous pourrés
Quant est de meurs et de couraige Noble est et toy pareillement Je congnois assés le lignaige De tous deux d'anciennement Tous avés vescu noblement Et vivre pourrés en liesse En augmentant vostre noblesse L'ung par l'aultre en amour certaine Croy mon conseil point ne le laisse Galathee toute richesse Te viendra et en seras plaine Pulchrior hic sociis sociabus pulchrior ipsa es.
Item s'en allant avés fain Cuillir pourrés parmy les trailles Pour menger avec vostre pain Des franboises ou des prunelles Pourpié persin lectues nouvelles De quoy vous remplirés vos bouges Et d'autres verdures ytelles Excepté de groiselles rouges
Mot du Jour
D'autres à la Recherche