United States or Cuba ? Vote for the TOP Country of the Week !
Que percé de cent coups au milieu des batailles, Le vainqueur insolent m'arrache les entrailles; Si tu vis pour chanter l'honneur de mon trespas, Fut-il plus violent, je ne me plaindray pas. Que nos cruels Tyrans par de nouvelles gesnes Portent au plus haut point leur rigueur & mes peines; Si je puis par ma mort t'exempter du trespas, J'en atteste le Ciel, je ne me plaindray pas.
Si je pouvois treuver dans le sort de la guerre, Avecque ton repos celuy de nostre terre, Deusse-je, pour un seul, souffrir mille trespas, Je seray satisfait, & ne me plaindray pas.
Si vous m'aymez encore, ô divine Princesse! De tous ces longs malheurs qui me suivoient sans cesse, Je ne conserve pas le moindre souvenir, Je perds mesme la peur de tous maux avenir, Et puis qu'enfin le Ciel permet que je vous voye, Je ne m'en plaindray plus quelque mal qu'il m'envoye.
Mot du Jour
D'autres à la Recherche