United States or Albania ? Vote for the TOP Country of the Week !
Et mal faisant, ainsinc la nomme, 6741 (Vez ci mot de desloial homme); Que en Neron fu definie Des Cesariens la lignie. Cis par ses faits tant porchaça, Que tout son linage effaça. Neporquant fu-il coustumiers De biens faire ès cinc ans premiers; Onc si bien ne governa terre Nus princes que l'en séust querre, Tant sembla vaillans et piteus Li desloiaus, li despiteus; Et dist en audience
Qui de mal faire n'a pooir, 6585 Donc pués-tu clerement véoir Que qui l'estre des choses nombre, Mal ne met nule chose en nombre; Mès si cum li ombre ne pose En l'air oscurci nule chose, Fors defaillance de lumiere, Tretout en autele maniere, En créature où bien deffaut, Mal n'i met riens fors pur deffaut De bonté, riens plus n'i puet metre. Et dit encores plus la letre, Qui des mauvès comprent la somme, Que li mauvès ne sunt pas homme, Et vives raisons i amaine; Mès ne voil or pas metre paine A tout quanque ge di prover, Quant en escript le pués trover. Et neporquant, s'il ne te grieve, Bien te puis par parole brieve Des raisons amener aucune: C'est qu'il lessent la fin commune A quoi tendent et tendre doivent Les choses qui estre reçoivent. C'est de tous biens le soverain Que nous apelons premerain. Autre raison i a biau metre Por quoi li mauvès n'ont pas estre, Qui bien entent la conséquence Qu'il ne sunt pas en ordenance En quoi tout lor estre mis ont, Tretoutes les choses qui sont, Dont il s'ensieut
Mot du Jour
D'autres à la Recherche