Vietnam or Thailand ? Vote for the TOP Country of the Week !
Mis à jour: 2 mai 2025
Pense en quelle peine et en quantes douleurs L'omme est inter longa suspiria Pense comment en diverses couleurs Son visage est quant tel martire y a Quantes paours quanta martiria Sentira l'omme et plus qu'oncques martir Quant de son corps vouldra l'ame partir
O comme eureux l'omme et benoist sera Et son ame plaisant a jesus christ Qui nuyt et jour en son cueur pensera Les proverbes qui sont cy en escript Bien est conseillé celuy qui escript Intelligit ces choses et videt Novissima sapitque providet
Pour quoy est l'omme orgueilleux et pervers Pour quoy monte homme en exaltation Vita labor et tribulation Nasci pena et mori necessaire Puisque orgueil est a son ame adversaire
Le second livre nommé l'exortation des mondains tant d'eglise comme seculiers contient six chappitres principaulx divisés en six balades. Le premier chappitre en balade demonstre comment l'omme doit vivre pour avoir paix a dieu et au monde pour contempner toutes richesses et amander sa vie. dont le refrain est Par ce moien nous aurons tousjours paix.
Qui est l'omme s'il a entendement Qui ne se doyve en cueur trop resjouir Quant il congnoist que de son sauvement L'advise dieu comme icy peut oyr Pour le fayre du royaume jouir Lassus sans fin que ceulx possideront Qui precepta sua bien garderont
Le quel veult tu ou vie ou mort choisir Choisi des deux tu as discretion Ayme tu mieulx de ton corps le desir Pour ton ame mettre a dampnation Que vivre un peu en tribulation Et qu'après mort soit ton ame ravie En gloire es cieulx qui de nul deservie Estre ne peut en ceste vie humaine S'il ne laisse terre avoir et demaine Et pere et mere et tout s'il est possible Et vivre en paine et en labour terrible Ensuivant dieu tousjours paciemment C'est le chemin qui conduit seurement Après trespas l'omme a salvation Et qui va aultre il va a dempnement Homme deffait et a perdition
Hoc est quando ipse egrotescit Egrotando tousjours en acroisance Monte son mal et lors expavescit L'omme pecheur tant qu'il pert cognoissance Et tellement que sa force et puissance Et sa vertu commance a decliner Ainsi se veoit en declinant finer
Aussy laisserés habillemens Qui font l'omme droit comme ligne Car devons a nos vestemens Par derriere avoir une vigne Les soliers persés sans empegne Deux grosses boucles fermans Porter bas cheveux sur le pigne Sans jamais les faire en alemant
Mot du Jour
D'autres à la Recherche