United States or Niue ? Vote for the TOP Country of the Week !
La verrons nous sa face et sa haultesse En son royaume ou beauté se delicte La verrons nous la court et la noblesse De sa mere qui ne peut estre dicte Des apostres le palays et l'eslite Et des martirs la sale et gloire fine Des confesseurs la chappelle tresdigne Et des vierges le temple et l'amour pure La nostre cueur doit soupirer et tendre Pour vivre au lieu de tous biens sans mesure Ou chacun peut sans riens mettre tout prendre
Venus dame de hault paraige Sus toutes deesses tressaige La fleur de beaulté et l'eslite Ingenieuse en tout ouvraige En enseignant d'amours l'usaige Les cueurs des jeunes excercite Et a bien aimer les incite Tant que chascun s'il n'est trop rude Recueillir peut en son estude Engin et esperit pour conduyre Ses amours qui si veult reduyre Et pourtant plaisante pucelle Cecy je te suys venu dire Car saiches que venus desire Que tu te gouvernes par elle
Mot du Jour
D'autres à la Recherche