Vietnam or Thailand ? Vote for the TOP Country of the Week !
Mis à jour: 4 juin 2025
Estans les Cardinaux assemblez en la ville de Bolongne la grasse, dans le conclaue, pour eslire vn Pape, apres le trespas d'Alexandre: le Cardinal Baltazar Cossa Euesque d'icelle ville de Bologne s'y trouua aueq puissante armée, et dit franchement aux autres Cardinaux, que s'ilz n'eslisoyent vn Pape qui luy feust agreable, ilz s'en repentiroyent. Les Cardinaux estonnez de ses menasses, et voyans sa gendarmerie autour du conclaue, luy en nommerent plusieurs, desquelz il ne se contenta. Eux saisiz de plus grande crainte, luy dirent: qu'il en nommast vn luy mesme, et que s'il estoit capable ils le receuroyent. Cossa adonques leur demanda la chappe Papale pour la mettre sur celuy qu'il vouloit eslire: Et prenant la chappe la mit sur ses espaules, disant, Ego sum Papa. Les Cardinaux (combien que l'acte feust contre la coustume) furent contrains de consentir
Iceluy Pape Pie vouloit faire son neueu Arceuesque de Florence, disant, pource qu'il n'estoit natif de la ville, que saint Pierre fut bien Euesque de Rome, combien qu'il feust estranger et Hebrieu. Auquel respondit Iceluy Bernard, Aussi y fut il crucifié.
Le Roy Loys vnziesme voyant quelque fois Miles Euesque de Chartres, monté sur vne mulle harnachée de veloux, aueq les frains dorez, luy dit: que les Euesques du temps passé se contentoyent d'vn asne ou asnesse aueq vn simple licol. C'estoit du temps (dit l'Euesque) que les Roys estoyent bergers, et gardoyent les brebis, Le Roy repliqua. Ie ne parle point de ceux du vieil Testament, ie dy du nouueau. L'Euesque respondit, C'estoit lors que les Roys estoyent grands aumosniers, qu'ilz faisoyent asseoir les ladres
Mot du Jour
D'autres à la Recherche